رواية عمياء وسط الذئاب الفصل الرابع والعشرون 24 الجزء الثاني بقلم محمد طه
البارت 24
#عمياء_وسط_الذئاب2
_الدكتور تقريبا قطع النفس وفقد الوعي تماما
وبالصدفه كانوا بالقرب من المستشفى..
اللي فيها إصحاب نور..
_لكن فهد رفض تماما إنو يدخل بالدكتور..
المستشفى دي بالذات..
لكن حاله الدكتور كانت خطيره جدا..
وما بقاش قدامه غير حاجه من الاتنين..
يا إما يسيب الدكتور يمو،ت..
يا إما يدخل المستشفى..وبعد تفكير..
قرر إنو يلجأ للباشا
_فهد_
أيوه يا باشا..الدكتور تعب فجأه وقطع النفس
_الباشا_
ما،ت ولا لسه عايش
_فهد_
لسه عايش بس إن ما إتلحقش هيمو،ت
_الباشا_
إنتو فين
_فهد_
إحنا قريبين من المستشفى اللي كان فيها نور
_الباشا_
خدو ع المستشفى واعملوا الازم..
وتدخلو المستشفى بأسامي وهميه..
وإن ما،ت تسيبو وتخرج ف هدوء..
من غير ما أي حد ياخد باله
____________________________
__(في المستشفى غرفه سمير)__
_سمير حالته بدأت تسوء وتدهور أكتر..
والاجهزه بدأت تعطي إشارات غير مُطمْئَنه..
وسمر بكل خوف وقلق تستدعي الدكتوره..
والدكتوره تستدعي أفضل دكاتره ف المستشفى..
لكن خلاص مفيش حد ف إيديه حاجه يعملها..
وسمير حرفيا بيمو،ت
_سمر بدموع_
أبوس إيدك يا دكتوره..إعملي أي حاجه
_الدكتوره بدموع_
والله يا سمر إحنا عملنا كل حاجه ممكن تتعمل..
ولو بإيدي أديلو من عمري..ما هتأخر
_سمر بوجع وصوت كله دموع_
يعني إيه هنمو،ت واحد ورا واحد..
علي ما،ت وسمير بيمو،ت..
مين فينا اللي عليه الدور
_الدكتوره بوجع_
أصعب شيء ف الدنيا..
إننا نشوف اللي بنحبهم بيمو،توا قدام عنينا..
وإحنا مش قادرين نعملهم حاجه..
إحنا لسه قلوبنا موجوعه على علي..
وقلوبنا مش حمل وجع تاني على سمير
_سمر بوجع_
لأ..سمير مش هيمو،ت..سمير مش هيمو،ت..
أبوس إيدك يا دكتوره..خدي أي عضو من جسمي..
خدي كل أعضاء جسمي وإديها لسمير..عشان يعيش
أبوس ايديكي
_الدكتوره تاخدها ف حضنها_
خلاص يا سمر القدر قال كلمته..
وكلها ساعات أو دقايق وسمير يفارقنا
___________________________
__(عند هبه)__
_هبه رجعت من زيارتها من السجن..
وراحت للباشا على الشركه..
السكرتيرة بلغتها باللي حصل للباشا
_وقالتلها إنو إتحول للمستشفى..
وانو بين الحياه والمو،ت..
ومحدش عارف هوا إيه اللي عندو
_هبه تلف وشها وتخرج من الشركه ف هدوء
_هبه ف سرها_
هوه إيه اللي حصل للباشا..
أنا كنت سايباه ما فيهوش حاجه..
غريبه ف لحظه كده يبقي بين الحياه والمو،ت..
طب إيه.. أروح أشوفه وأطمن عليه ولا إيه..
لأ يا هبه تروحي فين..دا إنتي تحمدي ربنا..
إنك مكونتيش معاه وقت اللي حصله..
وإلا كانوا هيتهموكي فيه وتشيلي إنتي الليله..
أنا أحاول أعرف الأخبار من بعيد لبعيد..
ومظهرش ف الصوره خالص..
_طيب هتعملي إيه دلوقتي يا هبه..
دا إيه الحظ الزفت اللي ملازمني ده..
أنا لازم أختفي اليومين دول..
لحد ما أشوف إيه اللي هيحصل مع الباشا..
وإيه اللي هيحصل مع كوثر..ما هيا لما هتمو،ت..
أكيد هيكشفو عليها وهيعرفو إنها مسمو،مه..
وهيدورو على اللي جابتلها الأكل ف الزياره..
إختفي يا هبه لحد ما الدنيا تهدي وتروق
___________________________
__(المقر الرئيسي للباشا الكبير)__
_ميري_
المعلومات اللي طلبتها نور جاهزه
_الباشا_
سيبيهم عشان هبص عليهم قبل ما يوصلوا لنور..
وقوليلي عملتي إيه مع أختك
_بقلم...محمد طه عبد المجيد
_ميري_
أختي بريئه يا باشا..واللي حصل من أختي..
كشفلنا مؤامره كانت بتتعمل علينا
_الباشا_
وضحي كلامك يا ميري
_ميري_
يا باشا إصحاب نور بيدورو عليها..
وإن ما وصلوش النهارده..هيوصلو بكره..
وهيعملولنا صداع وشوشره
_الباشا_
طبيعي يا ميري إنهم يدورو على نور..
لكن اللي مش طبيعي..
وجود أختك عند النادي وقت،لها ل علي..
ومش شويه عيال زي دول يا ميري..
اللي هيعملولي صداع وشوشره
_ميري_
يا باشا المشكله بتحصل من أهون سبب..
والدكتوره وسمر مش ساهليين..
ولازم ناخد بالنا منهم
_الباشا_
بيتهيألي يا ميري..
كفائتك تعدي كفائه الاتنين دول بمراحل..
دول بالنسبالك تلاميذ..وف حضانه كمان..
إيه يا ميري متخلنيش أقول..
إنك كبرتي ومش قد الشغلانه
_ميري_
ولما حضرتك شايف إني على مستوى عالي من الكفائه..ليه دخلت عيله صغيره ف وسطينا..
وخليتني تحت أمرها
_الباشا بحده_
ميري..إنتي ولائك للشغل ولا للمنصب
_ميري_
ولائي لحضرتك
_الباشا_
يبقي تنفذي اللي حضرتي يأمر بيه من غير نقاش
______________________________
__(في المستشفى غرفه نهله)__
_نهله بوجع ودموع_
أم محمد أنا عايزه أشوف علي..
نفسي أشوفه..نفسي أودعه
_أم محمد_
مش هينفع يا نهله..
وبعدين أنا معرفش هوا هيبقي فين دلوقتي..
ف المشر،حه ولا ف التلاجه
_نهله_
أبوس ايديكي يا أم محمد..خليني أشوفه..
أنا عارفه وإنتي عارفه..
إنك ممكن تعرفي هوا فين بكل سهوله..
وإنتي الوحيده اللي تقدري توصليني ليه..
وتخليني أشوفه والنبي يا أم محمد
_أم محمد_
إنتي كده هتتسببيلي ف مشاكل يا نهله..
ولو الدكتوره عرفت هتزعل مني
_نهله_
الدكتوره مش هتعرف..
أنا بس هشوفه دقيقه واحده..
مستكتره عليا إني أشوفه دقيقه واحده
_أم محمد_
خلاص يا نهله هوديكي وربنا يستر بقي
_نهله وأم محمد وهما ماشيين ف الطرقه..
كان جاي قدامهم ممرضه كانت سايقه قدامها ترابيزه عليها وجبات بتوزعها على العيانيين وف نفس الوقت كان على الترابيزه طبق فيه غيارات شاش وقطن وبيتادين ومشا،رط وأول ما نهله جات قصاد الترابيزه أخدت مشر،ط من غير ما حد يحس بيها
__(ف تلاجه المو،تي)__
_أم محمد_
أنا هراقب الطريق بره..قدامك دقيقتين..
مش دقيقه واحده زي ما كنتي عايزه
_نهله بدموع وخوف من المكان_
شكرا يا أم محمد..وأنا مش هكمل الدقيقتين
_(أم محمد تخرج ونهله تكلم ج،ثه علي)_
_نهله بوجع ودموع_
هونت عليك يا علي تسيبني لوحدي..
فاكر لما قولتلي إني ما بقتش لوحدي..
أنا دلوقتي بقيت لوحدي..
بس أنا مش عايزه أبقي لوحدي يا علي..
أنا هجيلك يا علي عشان أنته وحشتني أوي
_(وقط،عت شرايينها بالمشر،ط)_
_أم محمد تدخل تلاقي نهله ع الأرض..
وقا،طعه شرايينها والد،م مغرق المكان..
تتصل بسرعه بالدكتوره
_أم محمد بأنفاس محبوسه_
إلحقيني يا دكتوره نهله إنتحر،ت
_(الدكتوره وسمر كانوا عند سمير)_
_الدكتوره بصدمه_
إنتي بتقولي إيه..بتقولي إيه
_سمر بقلق_
فيه إيه يا دكتوره إيه اللي حصل
_الدكتوره وهيا خارجه تجري من الغرفه_
نهله إنتحر،ت
_سمر خرجت تجري ورا الدكتوره عشان يلحقوا نهله
وف اللحظة دي دخل شخص غرفه سمير..
وضر،ب حقنه لسمير ف الوريد.........
_ويتبع............
_بقلم...محمد طه
